×
შალვა ამირანაშვილი
(03/26/1899 - 02/09/1975)
განათლება:
- 1918 - დაამთავრა ფოთის კლასიკური გიმნაზია
- 1918 - 1922 - სწავლობდა თბილისის სახელმწიფო უნივერსიტეტში ფილოსოფიის ფაკულტეტზე ხელოვნების ისტორიისა და თეორიის განხრით (სპეციალობა: ხელოვნებათმცოდნე)
პროფესიული მოღვაწეობა:
- 1921 - 1922 - საქართველოს მუზეუმის არქეოლოგიური განყოფილების ასისტენტი
- 1922 - 1925 - თბილისის სახელმწიფო უნივერსიტეტის ფილოსოფიის ფაკულტეტის ხელოვნებათმცოდნეობის კათედრის ასისტენტი
- 1923 - მივლინებული იქნა მოსკოვსა და ლენინგრადში; სწავლობდა ბიზანტიურს, ძველ რუსულ და ახლო აღმოსავლეთის ხელოვნებას პროფესორების დ. აინალოვის, ბ. ფარმაკოვსკის, ლ. მაცუკევიჩის, ნ. სიჩოვის, აკადემიკოს ი. ორბელის ხელმძღვანელობით
- 1925 - 1932 - თბილისის სამხატვრო აკადემიის ხელოვნების თეორიის კათედრის დოცენტი
- 1929 - თბილისის სახელმწიფო უნივერსიტეტის ისტორიის ფაკულტეტის ხელოვნებათმცოდნეობის კათედრის და საქართველოს სამხატვრო აკადემიის ხელოვნების ისტორიის კათედრის დოცენტი
- 1930 - 1954 - თბილისის სახელმწიფო უნივერსიტეტის ისტორიის ფაკულტეტის ხელოვნებათმცოდნეობის კათედრისა და საქართველოს სამხატვრო აკადემიის ხელოვნების ისტორიის კათედრის ხელმძღვანელი და პროფესორი
- 1932 - მიენიჭა პროფესორის წოდება
- 1932 - 1954 - თბილისის სამხატვრო აკადემიის ხელოვნების ისტორიის კათედრის გამგე და პროფესორი
- 1932-1958 - თბილისის სახელმწიფო უნივერსიტეტის არქეოლოგიის, ეთნოგრაფიის და ხელოვნებათმცოდნეობის კათედრის გამგე და პროფესორი
- 1935 წ. სექტემბერი - ირანის ხელოვნებისა და არქეოლოგიის III საერთაშორისო კონგრესის წევრი (ლენინგრადში); წაიკითხა მოხსენება „საქართველო და ირანი“.
- 1936 - დაიცვა სადოქტორო დისერტაცია თემაზე: უბისი. მასალები ქართული კედლის მხატვრობის ისტორიისათვს; მიენიჭა ხელოვნებათმცოდნეობის დოქტორის წოდება
- 1937 - 1940 - კულტურის ძეგლთა დაცვის განყოფილების უფროსის მოადგილე
- 1939 - არჩიეს მშრომელთა დეპუტატების თბილისის საქალაქო საბჭოს დეპუტატად N238 საარჩევნო ოლქში
- 1939 - 1975 - ხელოვნების მუზეუმის „მეტეხი“ დირექტორი [1952 წლიდან საქართველოს სახელმწიფო ხელოვნების მუზეუმი]
- 1943 - აირჩიეს სსრ კავშირის მეცნიერებათა აკადემიის წევრ-კორესპონდენტად
- 1945 - იმყოფებოდა მივლინებით საფრანგეთში, 1921 წელს საქართველოდან გატანილი სამუზეუმო განძეულობის ჩამოტანასთან დაკავშირებით
- 1948 - ლენინგრადში, სახელმწიფო ერმიტაჟისა და ნ. ი. მარის სახელობის მატერიალური კულტურის ისტორიის ინსტიტუტის მიერ ორგანიზებული კავკასიის არქეოლოგიის კონფერენციის წევრია
- 1955 - აირჩიეს საქართველოს სსრ მეცნიერებათა აკადემიის ნამდვილ წევრად
- 1957 - აირჩიეს სსრ კავშირის მუზეუმების ნაციონალური კომიტეტის წევრად
- 1957 - აირჩიეს მუზეუმების საერთაშორისო საბჭოს ნამდვილ წევრად
- 1958-1975 - თბილისის სახელმწიფო უნივერსიტეტის ხელოვნების ისტორიისა და თეორიის კათედრის გამგე
საზოგადოებრივ-პოლიტიკური მოღვაწეობა:
- 1945 - დაჯილდოვდა „შრომის წითელი დროშის“ ორდენით
- 1946 - დაჯილდოვდა „საპატიო ნიშნის“ ორდენით
- 1946 - დაჯილდოვდა მედლით „მამაცური შრომისათვის 1941-1945 წწ. დიდ სამამულო ომში“
- 1954 - დაჯილდოვდა ლენინის ორდენით
- 1958 - აირჩიეს სსრ კავშირ-საბერძნეთის საზოგადოების საქართველოს განყოფილების თავმჯდომარედ
- 1958 - აირჩიეს საბჭოთა კავშირ-საფრანგეთის საზოგადოების წევრად
- 1959 - მიენიჭა საქართველოს სსრ მეცნიერების დამსახურებული მოღვაწის საპატიო წოდება
- 1966 - დაჯილდოვდა „შრომის წითელი დროშის“ ორდენით
- 1966 - აირჩიეს საქართველოს სსრ უმაღლესი საბჭოს VI მოწვევის დეპუტატად
- 1967 - აირჩიეს საქართველოს სსრ უმაღლესი საბჭოს VII მოწვევის დეპუტატად
- 1969 - აირჩიეს საფრანგეთის აზიური საზოგადოების ნამდვილ წევრად
ბიბლიოგრაფია